TALABA YOSHLAR BILAN RAHBARLAR UCHRASHDI

“Payshanba – Yoshlar kuni” munosabati bilan Kattaqo‘rg‘on davlat pedagogika institutida talaba yoshlar bilan uchrashuv o‘tkazildi.
Unda Kattaqo‘rg‘on shahar hokimi Gavhar Alimova, shahar IIB boshlig‘i Vaxob Axmedov, hokim o‘rinbosarlari hamda institut rahbariyati ishtirok etdi.
Uchrashuvda talaba yoshlarning murojaat va takliflari tinglanib, ularning ta’lim olishi, bandligini ta’minlash, bo‘sh vaqtini mazmunli tashkil etish hamda yoshlarni qo‘llab-quvvatlashga oid masalalar muhokama qilindi.
Muloqot davomida bildirilgan taklif va murojaatlarni o‘rganish hamda tegishli mas’ullar tomonidan ijrosini ta’minlash yuzasidan vazifalar belgilandi.
Uchrashuvdan so‘ng shahar hokimi institutda talabalar uchun yaratilgan shart-sharoitlar bilan tanishdi.