“Rektor kubogi” sport musobaqalari davom etmoqda

Kattaqo‘rg‘on davlat pedagogika institutida professor-o‘qituvchilar va xodimlar o‘rtasida mini-futbol bo‘yicha “Rektor kubogi” sport musobaqalari bo‘lib o‘tmoqda.
Musobaqaning 3-4-o‘rinlar uchun bahsida Maktabgacha ta’lim kafedrasi jamoasi munosib ishtirok etib, 3-o‘rinni egalladi.
Endilikda musobaqaning hal qiluvchi – 1-2-o‘rinlar uchun final bahsida Aniq va tabiiy fanlar kafedrasi jamoasi hamda Gumanitar fanlar kafedrasi jamoasi o‘zaro kuch sinashadi.
1-2-o‘rinlar uchun final uchrashuvi 28-sentabr kuni soat 17:30 da Aniq va tabiiy fanlar dekanat hamda Gumanitar fanlar kafedrasi jamoalari o‘rtasida bo‘lib o‘tadi. Musobaqa yakunida g‘olib va sovrindorlar munosib taqdirlanadi.
“Rektor kubogi” musobaqalari jamoada sog‘lom raqobat muhitini shakllantirish, professor-o‘qituvchilar va xodimlarning bo‘sh vaqtini mazmunli tashkil etish hamda sog‘lom turmush tarzini targ‘ib etishga xizmat qilmoqda.