Navro‘z an’anasi: talabalar turar joyida sumalak sayli

Kattaqo‘rg‘on davlat pedagogika institutining 1-sonli talabalar turar joyida talabalar ishtirokida Navro‘z an’analariga xos bo‘lgan sumalak tayyorlash jarayoni qizg‘in davom etmoqda.
Talabalar milliy qadriyatlarimizni e’zozlab, o‘zaro hamjihatlik va ko‘tarinki kayfiyatda sumalak qaynatishmoqda. Ushbu jarayon nafaqat bayramona muhitni yanada boyitmoqda, balki yoshlar qalbida milliy an’analarga hurmat va sadoqat tuyg‘ularini mustahkamlashga xizmat qilmoqda.
Ana shunday ezgu an’analar orqali talaba-yoshlar o‘rtasida do‘stlik, birdamlik va mehr-oqibat muhiti yanada mustahkamlanmoqda.