Stol tennisi bo‘yicha fakultetlararo II bosqich yakunlandi

Kattaqo‘rg‘on davlat pedagogika institutida talabalar o‘rtasida “Besh tashabbus olimpiadasi” doirasida ommaviy sport musobaqalarining stol tennisi bo‘yicha fakultetlararo II bosqichi o‘tkazildi.

Musobaqada talabalar o‘zaro bellashib, stol tennisi bo‘yicha mahoratlarini namoyon etdilar.

Musobaqa yakunlariga ko‘ra, o‘g‘il bolalar o‘rtasida Aniq va tabiiy fanlar fakulteti talabasi Shahzod Normurodov, qizlar o‘rtasida esa shu fakultet talabasi Sevinch Ne’matova 1-o‘rinni egalladi.

Mazkur musobaqa talabalar o‘rtasida sog‘lom turmush tarzini targ‘ib qilish, jismoniy faollikni oshirish hamda sportga bo‘lgan qiziqishni yanada kuchaytirishga xizmat qiladi.