O‘zbek tili – milliy o‘zligimiz va mustaqil davlatchilik timsoli

Kattaqo‘rg‘on davlat pedagogika institutida “O‘zbek tili – milliy o‘zligimiz va mustaqil davlatchilik timsoli” mavzusida ma’rifat darsi tashkil etildi.

Ma’rifat darsida institut rektorining ijtimoiy-ma’naviy muhit barqarorligini ta’minlash bo‘yicha maslahatchisi S.Tursunov hamda O‘zbekiston Yozuvchilar uyushmasi a’zosi, kattaqo‘rg‘onlik shoira Fazilat Abdullayeva ishtirok etib, mavzu yuzasidan ma’ruza qildilar.

Dars davomida o‘zbek tilining milliy o‘zligimizni anglash va mustaqil davlatchiligimizni mustahkamlashdagi o‘rni, ona tilimizning boy tarixi va betakror imkoniyatlari, uni asrab-avaylash hamda kelajak avlodlarga bezavol yetkazish masalalariga alohida e’tibor qaratildi.

Shuningdek, talaba-yoshlar o‘rtasida nutq madaniyatini yuksaltirish, adabiy til me’yorlariga rioya qilish va ona tiliga hurmat tuyg‘usini mustahkamlash yuzasidan fikr-mulohazalar bildirildi.

Ma’rifat darsida yo‘nalish tyutorlari, institut psixologi hamda talabalar ishtirok etdilar.