BIOLOGIYAGA DOIR YANGI USLUBIY QO'LLANMA

Aniq va tabiiy fanlar kafedrasi o'qituvchisi Umida bozorova hamda boshqa mualliflar tomonidan "Biologiyani o'qitish texnologiyalari va loyihalashtirish fanidan amaliy mashg'ulotlar" nomli uslubiy qo'llanma nashr qilindi.

Mazkur uslubiy qoʻllanmada “Biologiyani oʻqitish texnologiyalari va loyihalashtirish” fanini oʻqitishda mavzularni puxta oʻzlashtirishni taʼminlovchi mazmunan va shaklan turlarga moslashtirilgan innovatsion metodlar asosida tuzilgan qiziqarli topshiriqlar, nostandart testlar hamda uslubiy koʻrsatmalar ifoda etilgan. Shuningdek, har bir mavzu boʻyicha mamlakatimiz yetakchi olimlarining ilmiy manbalaridan foydalangan holda qisqa shakldagi nazariy maʼlumotlar ham berib oʻtilgan.

Uslubiy qoʻllanmadan biologiya taʼlim yoʻnalishi talabalari, professor-oʻqituvchilar va shu bilan bir qatorda sohaga qiziquvchilar ham birdek foydalanishlari mumkin.