Ijara xonadonlarida yashovchi talabalar holati o‘rganildi

Kattaqo‘rg‘on davlat pedagogika institutida talabalarning yashash sharoitlarini o‘rganish va ularning bo‘sh vaqtini mazmunli tashkil etish masalalariga alohida e’tibor qaratilmoqda.

Shu maqsadda Filologiya va ijtimoiy fanlar fakulteti dekani o‘rinbosari F.Ismatov boshchiligida yo‘nalish tyutorlari bilan hamkorlikda ijara xonadonlarida yashovchi talabalar holati o‘rganildi.

O‘rganish davomida talabalarning ijara xonadonlaridagi yashash sharoitlari, xonadonlarning sanitariya-gigiyena holati, zarur maishiy sharoitlar bilan ta’minlanganligi, xavfsizlik masalalari hamda bo‘sh vaqtlarini mazmunli tashkil etishi o‘rganildi.

Shuningdek, talabalarga bo‘sh vaqtlarini mazmunli tashkil etish, ta’lim jarayoniga mas’uliyat bilan yondashish hamda turli ma’naviy-ma’rifiy va ijtimoiy tadbirlarda faol ishtirok etish yuzasidan tavsiyalar berildi.