Iqtisodiy, ijtimoiy va madaniy huquqlarni ta’minlash mavzusida davra suhbati o‘tkazildi

Joriy yilning 27-avgust kuni Kattaqo‘rg‘on davlat pedagogika institutida BMTning Iqtisodiy, ijtimoiy va madaniy huquqlar to‘g‘risidagi Xalqaro pakti qabul qilinganining 60 yilligi munosabati bilan “Iqtisodiy, ijtimoiy va madaniy huquqlarni ta’minlash: global chaqiriqlar va milliy yechimlar” mavzusida davra suhbati o‘tkazildi.
Tadbirni Ilmiy ishlar va innovatsiyalar bo‘yicha prorektor F.Sirojiddinov olib bordi. Institut yuriskonsulti F.Alimov hamda Ilmiy tadqiqotlar, innovatsiyalar va ilmiy-pedagogik kadrlar tayyorlash bo‘limi boshlig‘i M.To‘rayev mavzu yuzasidan ma’ruza qildi.
Shuningdek, institutda mazkur mavzuda xalqaro ilmiy-amaliy konferensiya o‘tkazish taklifi ilgari surildi. Konferensiya dasturi va konsepsiyasini ishlab chiqish, xorijiy hamda mahalliy ekspertlarni jalb etish, hamkor tashkilotlar bilan tashkiliy masalalarni kelishish bo‘yicha vazifalar belgilandi.
Tadbir yakunida professor-o‘qituvchilar va talaba-yoshlarning iqtisodiy, ijtimoiy va madaniy huquqlar bo‘yicha bilimlarini oshirish hamda bu boradagi ilmiy-amaliy hamkorlikni kengaytirish muhimligi ta’kidlandi.