Sport sinovlari mavsumi yakunlari sarhisob qilindi

Samarqand davlat universitetida oliy ta’lim muassasalari talabalari o‘rtasida o‘tkazilgan “Jismoniy tayyorgarlik darajasini aniqlash” sport sinovlarining 2026-yilgi mavsumi yakunlari sarhisob qilinib, eng faol jamoalar taqdirlandi.
Kattaqo‘rg‘on davlat pedagogika instituti sport jamoasi mazkur sport sinovlarida faol va munosib ishtirok etgani uchun Samarqand viloyati sport boshqarmasi tomonidan taqdirlandi.
Ushbu yutuq institut talaba-yoshlarining sportga bo‘lgan qiziqishi, jismoniy tayyorgarligi va sog‘lom turmush tarziga sodiqligining yana bir yorqin tasdig‘i bo‘ldi.