INSTITUTNING XALQARO ALOQALARI MUSTAHKAMLANMOQDA

Avval xabar qilganimizdek, Kattaqo‘rg‘on davlat pedagogika instituti professor-o‘qituvchilari Indoneziya Respublikasining Jakarta shahridagi Esa Unggul Universityda bo‘lib turibdi.
Tashrif doirasida institut vakillari universitetning qator kafedralari bilan hamkorlik memorandumlarini imzolashga muvaffaq bo‘ldilar. Mazkur memorandumlar ikki oliy ta’lim muassasasi o‘rtasidagi ilmiy-ta’limiy hamkorlikni yanada mustahkamlashga xizmat qiladi.
Hamkorlik kelishuvlarida professor-o‘qituvchilar va talabalar akademik almashinuvini yo‘lga qo‘yish, o‘quv-uslubiy adabiyotlar hamda ta’lim dasturlarini o‘zaro almashish masalalariga alohida e’tibor qaratildi.
Ushbu hamkorlik istiqbolda ta’lim sifati va ilmiy salohiyatni oshirish, xalqaro tajribalarni keng joriy etish hamda ikki tomonlama aloqalarni yanada rivojlantirish uchun mustahkam zamin yaratadi.