Xalqaro hamkorlik doirasida ochiq dars va workshop tashkil etildi

Kattaqo‘rg‘on davlat pedagogika instituti Xorijiy tillar kafedrasi o‘qituvchisi Sh.Yuldashev tomonidan Xorijiy til va adabiyot (ingliz tili) yo‘nalishi 4-kurs talabalari uchun “Nutq ko‘nikmalari integratsiyasi” (tanlov fan) bo‘yicha amaliy mashg‘ulot tashkil etildi.
Mazkur dars jarayonida Indoneziyaning Muhammadiyah Gresik universiteti professor-o‘qituvchilari Prof. Dr. Khoirul Anwar, M.Pd hamda Paulina, M.Pd (Ph.D Candidate) ishtirok etib, mashg‘ulotni kuzatdilar.
Shuningdek, tashrif doirasida mehmonlar tomonidan talabalar uchun yo‘nalishda o‘qitiladigan “Akademik maqsadlar uchun ingliz tili” (EAP – English for Academic Purpose) hamda “Baholashning xalqaro standartlari” fanlari yuzasidan amaliy workshop tashkil etildi. Ushbu mashg‘ulotlar davomida talabalar bilan interaktiv muhokamalar olib borilib, xalqaro tajriba asosida muhim ilmiy-uslubiy tavsiyalar berildi.