“Yosh texnologlarning ijodiy ishlari” ko‘rgazmasi o‘tkazildi

Kattaqo‘rg‘on davlat pedagogika institutining Pedagogika fakulteti Amaliy fanlar va sport kafedrasi Texnologik ta’lim yo‘nalishi talabalari tomonidan “Yosh texnologlarning ijodiy ishlari” ko‘rgazmasi tashkil etildi.
Mazkur tadbirda institut rektori ham ishtirok etib, talabalarning ijodiy faoliyatini qo‘llab-quvvatlash, ularning qobiliyatlarini ro‘yobga chiqarish uchun yaratilayotgan imkoniyatlarga alohida to‘xtalib o‘tdi.
Ko‘rgazmada talabalar tomonidan yaratilgan qo‘l mehnatiga asoslangan amaliy ishlar, lazer texnologiyasi asosida tayyorlangan mahsulotlar hamda turli innovatsion g‘oyalar keng namoyish etildi.
Ushbu ko‘rgazma yosh texnologlarning ijodiy salohiyatini namoyon etish, amaliy ko‘nikmalarini mustahkamlash va zamonaviy texnologiyalarga bo‘lgan qiziqishini yanada oshirishga xizmat qildi.