Talaba-qizlarning yashash sharoitlari o‘rganilib, tavsiyalar berildi

Kattaqo‘rg‘on davlat pedagogika institutining xotin-qizlar masalalari bo‘yicha rektor maslahatchisi G.Inatullayeva hamda “Qalqon” jamoatchilik guruhi a’zolari tomonidan talaba-qizlar istiqomat qilayotgan xonadonlardagi yashash sharoitlari o‘rganildi.
O‘rganish jarayonida talaba-qizlarning yashash muhiti, ijtimoiy-maishiy sharoitlari hamda ularning kundalik ehtiyojlari bilan yaqindan tanishildi. Shuningdek, mavjud muammolar aniqlanib, ularni bartaraf etish yuzasidan zarur tavsiyalar va tushuntirishlar berildi.
Uchrashuv davomida talaba-qizlar bilan samimiy suhbat o‘tkazilib, ularning taklif va murojaatlari tinglandi. Bunday o‘rganishlar talaba-qizlar uchun yanada qulay va xavfsiz yashash muhitini yaratish, ularning muammolarini o‘z vaqtida hal etishga xizmat qiladi.