Yoshlar kuni munosabati bilan futbol musobaqasi tashkil etildi

Kattaqo‘rg‘on davlat pedagogika institutida Yoshlar kuni munosabati bilan talaba-yoshlarning bo‘sh vaqtini mazmunli tashkil etish, ular o‘rtasida sog‘lom turmush tarzini targ‘ib qilish hamda sportga bo‘lgan qiziqishni yanada oshirish maqsadida futbol musobaqasi tashkil etildi.
Mazkur musobaqada talabalar faol ishtirok etib, o‘z jamoalari bilan sport maydonida kuch sinashdilar. O‘yinlar davomida ishtirokchilar jamoaviylik, chaqqonlik hamda sport mahoratini namoyon etib, qizg‘in va murosasiz bahslar olib bordilar.
Musobaqa talaba-yoshlar o‘rtasida do‘stlik va hamjihatlik muhitini yanada mustahkamlash, sportga bo‘lgan qiziqishni oshirish hamda sog‘lom turmush tarzini targ‘ib etishda muhim ahamiyat kasb etdi.