ZULFIYA – HAYOT SO‘QMOQLARI

Zulfiya Isroilova tavalludining 111 yilligi munosabati bilan Kattaqo‘rg‘on davlat pedagogika institutida “Zulfiya – hayot so‘qmoqlari” nomli ma’naviy-ma’rifiy tadbir hamda bilimlar bellashuvi tashkil etildi.
Mazkur tadbir institutning Maktabgacha va boshlang‘ich ta’lim kafedrasi o‘qituvchisi Maftuna Iskandarova tashabbusi bilan o‘tkazilib, Boshlang‘ich ta’lim yo‘nalishi 2-bosqich talabalari ishtirok etdilar.
Tadbirda shoira hayoti va ijodiga bag‘ishlangan videolavhalar namoyish etildi, talaba-yoshlar tomonidan shoiraning she’rlari ifodali o‘qildi hamda sahna ko‘rinishlari ijro etildi. Ishtirokchilar Zulfiya Isroilovaning hayot yo‘li, ijodiy merosi, o‘zbek adabiyoti va ma’naviy hayotiga qo‘shgan ulkan hissasi yuzasidan o‘z bilim va salohiyatlarini namoyon etdilar.