Monografiya nashr etildi

Kattaqo‘rg‘on davlat pedagogika instituti Xorijiy tillar kafedrasi mudiri, filologiya fanlari bo‘yicha falsafa doktori (PhD) Ruziyeva Nasiba Kenjayevnaning “PROFESSOR VLADIMIR GRIGORYEVICH GAKNING LINGVISTIK MEROSI: LISONIY-KOGNITIV TAHLIL” nomli monografiyasi nashr etildi.
Mazkur monografiyada taniqli tilshunos olim V.G. Gakning fransuz orfografiyasiga oid tizimli-sinxron qarashlari, chet tillarini o‘qitish amaliyotidagi funksional yondashuvlari hamda fransuz tilida so‘z yasash jarayonida og‘zaki nominal konvertatsiyaning tabiatini yoritishga qaratilgan noan’anaviy konsepsiyalari tizimli ravishda tahlil qilingan. Tadqiqotda olimning ilmiy merosining lisoniy va kognitiv rivojlanish xususiyatlari, shuningdek, qiyosiy-struktur jihatlari keng yoritib berilgan.
Monografiya xorijiy tillarni mukammal egallagan malakali mutaxassislarni tayyorlash jarayonida muhim ilmiy manba bo‘lib xizmat qiladi. Shuningdek, chet tillarini o‘qitish metodikasini takomillashtirish, hozirga qadar yetarlicha o‘rganilmagan V.G.Gakning konseptual yondashuvlarini hisobga olgan holda O‘zbekistonda xorijiy tillarni o‘qitish tizimini rivojlantirish uchun muhim ilmiy-amaliy zamin yaratadi.