55-maktab o‘quvchilari institutimizning imkoniyatlari bilan yaqindan tanishtirildi

Bugun Kattaqo‘rg‘on tumanidagi 55-maktab o‘quvchilari Kattaqo‘rg‘on davlat pedagogika institutiga tashrif buyurdi. Tadbir Xorijiy tillar kafedrasi mudiri N.Ruziyeva hamda professor-o‘qituvchilari K.Mamadqulova va X.G‘afforovlar tomonidan kafedra oyligi doirasida o‘quvchilarni kasbga yo‘naltirish maqsadida tashkil etildi.
Tadbirning asosiy maqsadi o‘quvchilarni oliy ta’lim muassasalarida mavjud ta’lim yo‘nalishlari, qabul shartlari hamda kelajakdagi kasbiy imkoniyatlar bilan tanishtirishdan iborat bo‘ldi.
Tadbir davomida institut vakillari o‘quvchilarga ta’lim yo‘nalishlari, o‘qish sharoitlari, zamonaviy kasblar va mehnat bozorida talab yuqori bo‘lgan mutaxassisliklar haqida batafsil ma’lumot berdilar.
Tashrif o‘quvchilar uchun qiziqarli va foydali bo‘lib, ularning kelajakdagi ta’lim va kasbiy yo‘nalishlarini tanlashda muhim manba bo‘ldi.