VIRTUAL BIOLOGIYA LABORATORIYALARI DASTURIGA MUALLIFLIK HUQUQI BERILDI

Kattaqo‘rg‘on davlat pedagogika instituti Aniq va tabiiy fanlar kafedrasi dotsenti A.Ruziqulova Adliya vazirligi tomonidan berilgan mualliflik guvohnomasiga ega bo‘ldi.
Uning “Biologiya fanidan virtual laboratoriyalar” nomli dasturi uchun mualliflik guvohnomasi Qonuniy tartibda taqdim etildi.
Mazkur ilmiy-uslubiy ishlanma – kompyuter texnologiyalari va internet platformalaridan foydalangan holda o‘quvchilarga biologik tajribalarni xavfsiz, interaktiv va qulay sharoitda amalga oshirish imkonini beruvchi maxsus dasturiy ta’minot (yoki onlayn vositalar) hisoblanadi. Ushbu loyiha ta’lim jarayoniga innovatsion texnologiyalarni joriy etish orqali zamonaviy talablar darajasida ta’lim samaradorligini oshirishga xizmat qiladi hamda sohadagi mavjud muammolarni hal etishga ko‘maklashadi.