TALABALAR AMALIYOTDA BILIMLARINI MUSTAHKAMLASHDI

Pedagogika fakulteti “Maktabgacha va boshlang‘ich ta’lim” kafedrasi tomonidan “Bilimlar amaliyotda mustahkamlanadi” mavzusida o‘quv-amaliy uchrashuv tashkil etildi. Uchrashuv kafedra o‘qituvchilari I.Komolova va Z.Qarshiyeva rahbarligida Kattaqo‘rg‘on shahar 5-sonli davlat maktabgacha ta’lim tashkilotida o‘tkazildi.
Uchrashuvning asosiy maqsadi 1-kurs talabalari uchun kasbiy faoliyatga oid dastlabki tushuncha va ko‘nikmalarni shakllantirish, nazariy bilimlarni amaliy tajriba bilan uyg‘unlashtirishdan iborat bo‘ldi.
Tashabbus doirasida talabalar maktabgacha ta’lim muassasasining faoliyati bilan yaqindan tanishdilar, tarbiyaviy jarayonlarni tashkil etish, bolalar bilan ishlash uslublari hamda pedagogik jarayonning amaliy jihatlarini o‘rganish imkoniga ega bo‘ldilar.
Mazkur uchrashuv talabalarning kasbiy malakasini oshirish va nazariy bilimlarni amaliyot bilan mustahkamlashga xizmat qilishi bilan ahamiyatli bo‘ldi.